菜苗媽媽: 2014

2014年9月3日星期三

2014年8月@17人沙巴之旅@第四日

今日不用早起身
大家去CLUB嘆番個自助早餐
原來佢有餐牌
可以食SET的早餐
但只限每人叫一次
老公就食咗日式煎三文魚
幾就珍不過好好味！

食完早餐約好大家10點係CLUB樓下等
我初時以為STAR的碼頭係申出去做SPA果邊
原來唔係，係勁近我地CLUB呢邊
所以帶咗大家遊咗一陣花園，哈哈哈
不用5分鐘就行到去碼頭
可以訂去島玩
我地決定去SAPI島
船費約60一位包埋入島費
我地仲訂埋浮潛用具、救生衣同埋毛巾
佢有小童浮潛鏡架

話咁快就有船
每人穿上一件救生衣先可以開船
其實個島好近約10﹣15分鐘左右便到
因坐快艇都幾「泡」
所以菜苗好驚
大家諗辦法希望佢唔好喊
最後我地一齊唱LET IT GO
我叫佢驚就大聲唱LET IT GO就唔會驚架啦
笑C我地！

去到SAPI島碼頭已有好多魚仔啦
酒店工作人員帶我地入島
同埋去佢管理的範圍
因我地早去所以可以在樹底下放行李
佢仲提供埋兩張䉀比我地
安置好
大家就換衫著好浮潛裝備出去浮潛了
佢地著晒救生衣
所以可以浮好耐
又浮吓....又晒吓....又游吓...爽！
而菜苗就係岸邊玩沙
勁鐘意玩
我耐唔耐又出去同佢畢D水入嚟
之後我同菜苗著咗救生衣出去玩
最攪笑係婆婆怕晒親佢
所以要帶埋遮出去
因為早一晚菜苗有點發燒
所以唔好比佢晒得太勁

好捨意地在海上玩呀....

到咗12點幾大家都有點肚餓
我地因唔係跟團
所以我地如在島上食自助餐
就要另外比錢
我地行過去睇咗D野食
覺得麻麻地
於是我地決定返酒店食午餐

今次回程菜苗唔驚啦！
上岸時仲開始落雨

大家換好衫一齊去CAFE食野
初時諗住散叫
後來WAITER話不如叫我地食自助餐
每人都係45元
大家又肚餓
而且價錢OK喎
所以就改食自助餐啦
菜苗得3歲半
仲唔收錢添
CAFE的即煮意大利粉勁好味
個個都叫一碟食

出面D雨未停過
越落越大
好在我地返咗酒店
如果留咗係島
我諗大家都周身唔自然
因避雨的地方唔多
最後場雨落到3點先真係停

食完自助餐
有部份人留係酒店焗桑娜
有部份人部去出海釣魚
因長輩們想過吓釣魚引
所以我地跟咗TONY幫我地BOOK既釣魚團
初時都擔心剛落咗咁大雨
會唔會有魚架？
但船家話雨後水退
所以會仲多魚
我地唯有信佢啦！

TONY接我地去碼頭
架船都唔錯
好舒服
係小型遊艇款
兩邊有晒釣魚的設施
有魚干又手釣任你揀
因我地未試過魚干
就試吓個感覺

船停了我地就開始落魚絲
無耐，第一二條釣到魚既係TONY
係紅衫魚
之後都陸續有人有魚釣到
佢個魚干放兩條魚利
所以有機會一箭雙鵰
因表哥表姐佢地係漁民世家
所以佢地最後都係用手釣
唔用魚干
之後仲多魚上釣
結果都釣咗成20條
大部份係紅衫魚
個個都唔夠喉
即晚訂船家第二日再去玩5個鐘
回程時看到美麗的日落
真係好靚啊！
當日因剛落完雨，我地仲見到神山
真係好高好大座啊！

返到酒店
其他人都去晒CAFE食自助餐
我地去會合佢地
呢餐係酒店送既
不過晚上都係咁上下
但有一個角落的食物
只比小朋友去攞
大人係唔可以去攞嚟食....好得意

食完大家返回房休息一陣
又去MARY房集合
原來大家都玩HANNA
個個都叫LEO畫一個圖案
好攪笑啊！
之後仲有一餐今日即釣既魚食
好鮮甜好味啊！

2014年9月2日星期二

2014年8月@17人沙巴之旅@第三日

第三日我地17人兵分兩路

其中13人去玩激流

而我，菜苗，哥哥和呀嫂就自由活動

1至2點左右去STAR Check in

之前一晚我地聯絡好晒

所有行李要執好

玩激流的要7:30換好衫帶埋行李食埋早餐係大堂集合

而我地另外4人就食完早餐

我地再去6樓游水

玩咗一陣都無太陽晒到來

有點凍啊！

都係返房沖涼出去行下

我地都唔少行李

放晒係菜苗架車度

先出去大街果間印度店買HANNA

沙巴買好平0.5一支或者1.5一支

香港好貴

我地買咗兩大盒

比LEO慢慢玩

之後我地去咗飲白咖啡順便叫咗個飯比菜苗食

D白咖啡唔係好合我地口味

所以覺得麻麻地

之後四圍找商場行下

去到一個大商場

裡面買既野都算係高級野

不過我地都係Window Shopping

最後我就買咗一幅太陽眼鏡同埋一個小飾物

之後我地坐30元的士去STAR Check in

都要10﹣15分鐘車程

去到都1點幾

同樣地房都係比唔晒我地

我地都係要分兩次攞房

之後我地去咗CAFE食LUNCH

因真係好肚餓啦！

最攪笑我地聽錯以為只係30﹣45分鐘食

原來係order咗要等30﹣45分鐘

哈哈哈

我叫咗漢堡飽食，哥哥叫飯，呀嫂叫米粉

我個漢堡飽就好好味啦！

食食吓，佢地玩完激流返嚟

個個都話好好玩，好正！

仲影埋相燒埋CD

個個講不停，哈哈哈

食完飯我地都返房

因為STAR upgade咗我地

我地住CLUB果度係寧靜D

不過就行遠小小

比較近碼頭

我地相埋後生的換衫去泳池游水

因實在太靚啦！
泳池仲有救生衣提供
小朋友都有呀....

其他人留在房等一陣430去club度食野

好在天氣好好

所以去游池游水都好舒服

第一件事當然去玩滑梯啦！

對LEO佢地嚟講就小兒科

連菜苗都有玩

不過係玩兒童版

個泳池好大好舒服

又可以望到個海

佢中間有一棵樹

坐係果度可以影相

好靚架！

玩到430大家都上房沖涼去CLUB度食野

原來430-630係家庭時間

一定要有12歲以下小朋友先可以入架

所以今次菜苗同恩恩就做咗大佬同大家姐

因無佢地唔成事啊！

CLUB的招呼好好

一入到去就問你飲咩

有小小自助餐

D野食好精巧，但款色唔多

不過好好味啊！

大家又叫紅酒又食

幾乎都食飽了！

仲可以去睇下日落

去沙巴呢7日

日日都有日落陪我地

日日都送太陽伯伯番屋企

到630我地又出發去大茄來食海鮮

我地係酒店叫車

每車30元

酒店代錢，拿住收據就上車了

車可以坐4﹣6人

好舒服架

因表哥係揸的士既

佢係沙巴街頭見到無冷氣的士

佢都話：無冷氣點揸呀！

好在STAR既的士係高級小小

直情係七人房車囉！

我地攞咗其中一架的士卡片

諗住食完返去可以CALL佢接我地

話咁快就到大茄來啦！

我地坐兩張大枱

我同MARY姐去叫海鮮

因我預咗足夠銀両食

所以可以叫多D

最後我地叫了每人一隻中型虎蝦

蟹、沙巴龍蹔兩條、聖子、蠔、白灼蝦.....

17人埋單都係1500元

實在太好味了！

因大家食得太飽了

所以我地行番酒店
原來好近10分鐘便到了
我們沒有食宵夜

大家都早點返房休息

預備明天出島玩！

2014年8月28日星期四

2014年8月@17人沙巴之旅@第一日

我們一早7點已在機場T2集合

去到機場當然第一時間要派行程表，地圖比大家

經過幾個月的資料搜集
對沙巴也認識多咗！

今次我們是坐AA，9:55機去

齊人後當然要同行李影番張大合照啦

在辦登機手續時

我們已遇到強國人打尖

好在我地發現咗！

我們17人也有13喼行李....

不過地勤人員工作都好有......「效率」

令我們原本預食早餐的時間都少咗
加上又要行番去T1入閘

所以我地臨時決定係T2果間澳門XXX食

LEO同恩恩就醒目揀BURGER KING

因為果間澳門XXX真係好難食啊.....

因為我們坐AA，所以今次我地要坐巴士去上機

因之前坐過HK EXPRESS去台中
所以知道廉價航空要預多點時間去登機
去到另一個登機位都有小小商店

不過風景唔錯啊
可近距離見到飛機升降
上機前都影番張相先

在飛機裡因穿過兩舊大黑雲
所以架機唔係好穩定
（天氣問題，同機師功力無關）

菜苗就好驚
我話：因我地會經過雷公伯伯屋企
所以會震囉，或者你合埋眼啦，好快就無事！
合合吓菜苗就瞓著咗啦！

話唔快話就到沙巴
係飛機望落去見到D島
好想快D跳落水！

落機啦！

大家拖住手提行李準備入境

聽TONY講原來呢個機場係屬AA
個機場比較簡陋，但好有FEEL
因為可以近距離睇到飛機升降
菜苗睇到嘩嘩聲，好攪笑！

因為沙巴機場都好細
所以辦入境手續間房都好細
條龍要排到出面
咁多人只開三個COUNTER
又要打手指模
所以真係有排等
菜苗見我地打手指模
佢以為自己都要
但因為係小朋友所以無得打
佢好失望啊！哈哈！

攪掂咗証件就要去攞行李
佢細到只有兩條LINE
一眼睇晒
我地好快就認到13件行李
因每件都有我特登自製的行李牌
所以好易認
我諗住會好順利過關
點知我件行李要打開抽查
其實全喼都係菜苗D奶奶和日用品

個關員攞咗兩次佢支奶奶嚟望
而我地16人就圍住佢，哈哈！
我心諗：你係咪想飲啫，送支比啦！哈哈！
最後都比我地順利過關。
但我個喼比人掉到無咗三隻腳
唉......好在係300元的淘寶貨

一出去等咗一陣就見到TONY用小巴接我地
部份行李放係車尾
由於我地有17人
差不多包車

車程只係15至20分鐘就到HORIZON酒店

因我地要8間房
所以有部份房都未執好
於是我地就搬晒行李去其中一間房做總部
然後TONY帶我地去隔離唱錢

同埋GAYA街怡豐食叻沙

TONY自己帶咗1000蚊散紙唱比我地
方便我地買野（都算貼心照顧啊）

我地覺得怡豐叻沙唔及新加坡濃味

牛雜粉都係一般
反而個沙煲雞飯同埋個桔仔冰好好味
沙煲雞飯有半熟蛋
撈埋D飯一齊食好好味

仲有個桔仔冰係我地全個行程咁多日最好飲的
因佢有加檸檬同埋好夠味

我地17人食埋單只係180蚊
個個都話好抵食！

食完野我地返酒店準備去泳池游水
順便攞埋另外幾間房
我地估唔到我地要8間房裡
有幾間都Upgade咗我地去套房
因我地KingSize床，所以好大間呀
仲有埋桑娜焗呀！

我地有部份人就留係房嘆紅酒
有部份人部去6樓泳池游水
個泳池唔係大
但佢可以望到個海
好舒服啊！

當然要影番D相留念啦!

玩到6點我地就返房沖涼
因我地約咗630係大堂集合預備食晚飯

我地去食肉骨茶
一出酒店向左轉行10分鐘已有新記沙煲肉骨茶
其實再行後面街有佑記
不過我地想試沙煲
正所謂膽大過沙煲點都要試下
我地覺得最好味係黃酒蝦，肉排，豬腰

仲有椰子布甸，好有椰子味！

差不多食完我地聞到香味
原來有一架榴連車泊咗係我地隔離
佢打開小小車門都好香
我地見新記老板都推介我地幫襯佢
所以我地就叫咗個105元的貓山王試吓！
不到5分鐘已支解咗個貓山王
果然真係好甘香
大家意油未盡再叫一個D26試下
都好食喎，不過貓山王香D
檔主好好客仲不斷請我地食山竹
任攞任食，好好人！

食完我地沿海邊散步
沙巴的夜晚唔係好熱
可能近海，所以海風吹來好舒服
我地經過食野既夜市
但TONY叫我地唔好今日試
如果要試就最尾果日先去
因唔太衛生，萬一有咩事都返香港先疴
比佢笑C咗！

行到見到條綠色天橋
我地轉咗入去
原來係榴連街

傻姨又走埋去問吓
檔主話係貓山王
傻姨叫佢比榴連個Patpat佢睇下都唔見有「星」
反而頭先果檔唔洗叫佢都自動比你睇
仲要係好大粒「星」
於是傻姨「大」佢話唔係貓山王
果然比佢大倒
但擋主即刻換另一個話係貓山王
當然都係唔見粒「星」啦
所以我地無幫襯走咗
大家仲讚傻姨勁呀！